Një aksident rrugor është regjistruar ditën e sotme, më 29.04.2026, në aksin ByPass, në drejtimin Orikum–Vlorë.
Sipas informacioneve paraprake, një automjet tip “Volkswagen” me targa AA118NB, i drejtuar nga shtetasi V. G ka përplasur një tufë bagëtish të imta (dhi) që po kalonin rrugën.
Si pasojë e përplasjes kane ngordhur disa bageti rreth 10 si dhe është dëmtuar dhe çobani, shtetasi A.D, rreth 35 vjeç, i cili ndodhej në fund të tufës.
Nga forca e goditjes, ai është transportuar me autoambulancë drejt Spitalit Rajonal Vlorë, ku ndodhet nën kujdesin e mjekëve, pasi ka pësuar traumë, raporton gazetarja e Klan News, Greta Haskaj.
Drejtuesi i mjetit i është nënshtruar testit të alkoolit, i cili ka rezultuar 0.00 mg/l. Grupi hetimor po punon për sqarimin e plotë të rrethanave të aksidentit.
