Donald Trump e quajti Volodymyr Zelenskyn mosmirënjohës, duke komentuar se ai mori para nga SHBA për luftën në Ukrainë, ashtu si dikush merr karamele nga një fëmijë.
Presidenti amerikan dha një intervistë për FoxNews, duke kritikuar gjithashtu administratën Biden dhe duke folur për homologun e tij ukrainas: “Ai është një djalë i zgjuar dhe i ashpër, ai mori para nga SHBA-ja kur president ishte Biden, njësoj si të marrësh karamele nga një fëmijë. Kaq e lehtë ishte.
Unë thjesht mendoj se ai është mirënjohës. Ne i dhamë atij 350 miliardë dollarë”, tha Donald Trump.
I pyetur për mundësinë që Ukraina të mos mbijetonte nëse SHBA-ja tërhiqte ndihmën e saj, Trump u përgjigj se “mund të mos mbijetojë edhe nëse ndihma vazhdon”.
Ai vazhdoi duke thënë se “askush nuk ka qenë më i ashpër ndaj Rusisë se vetë Trump”, diçka që do ta pranonte edhe vetë presidenti rus Vladimir Putin, përfundoi Presidenti amerikan.