Një i ri shqiptar është arrestuar nga policia italiane në Modena. Sipas “Lapressa.it” 24-vjeçar shqiptar, i shpallur në kërkim nga shteti gjerman për kokainë është arrestuar nga policia në Itali.
Ai kërkohej për një ngjarje të ndodhur në 13 shkurt, ku gjatë një kontrolli rrugor, në furgonin tip “Fiat Fiorino”, policia gjermane gjeti dhe sekuestroi 3.4 kg kokainë të fshehura.
Pas arrestimit, shqiptari është dërguar në burgun “Sant’Anna” në Modena në pritje të nisjes së procedurave të ekstradimit.
/a.r
