Kreu i ARRSH, Gentian Gjyli u paraqit mëngjesin e kësaj të hëne, 3 nëntor, në Prokurorinë e Posaçme, së bashku me avokatin e tij.
Qëndrimi i tij me prokurorët e SPAK zgjati vetëm pak minuta, ndërsa nuk dha asnjë koment për mediat pasi la ambientet e Prokurorisë së Posaçme.
Avokati i tij tha shkurt “nuk kemi deklaratë”. Gjyli u paraqit lidhur me hetimet për Tunelin e LLogarasë.
Atij i është komunikuar akuza lidhur me “Shkelje të barazisë së pjesëmarrjes në tendera apo ankande publike” për hetimet që po zhvillohen për Tunelin e Llogarasë.
Më 31 tetor, SPAK i komunikoi akuzën Ministres së Infrastrukturës dhe Energjisë, Belinda Balluku, e cila është nën hetim për veprën penale “Shkelje e barazisë së pjesëmarrësve në tendera apo ankande publike”, lidhur me ndërtimin e tunelit të Llogarasë në aksin rrugor Orikum-Himarë.
Vetë Balluku pas daljes nga SPAK, u shpreh se “është shpresëplotë që procesi do të jetë i bazuar mbi transparencën”.