Forumi i Zhongguancunit-një event ku do të zbulohen arritjet e reja të teknologjisë shkencore

Forumi i ardhshëm Zhongguancun 2024 (Forumi ZGC), i planifikuar të zhvillohet në Pekin nga 25 deri më 29 prill, do të fokusohet në fusha të avancuara si inteligjenca artificiale (AI), shkencat e jetës dhe materialet e reja, dhe do të zbulojë një seri të rëndësishme arritjet shkencore dhe teknologjike të vendit, tha të mërkurën një zyrtar i Ministrisë së Shkencës dhe Teknologjisë.
Chen Jiachang, Zv/Ministër i Shkencës dhe Teknologjisë, i bëri komentet gjatë një konference për shtyp në Pekin, duke vënë në dukje se forumi do të shohë gjithashtu krijimin e një platforme tregtare dhe bashkëpunimi, që paraqet mbi 3,000 arritje të teknologjisë shkencore, nga më shumë se 40 vende dhe rajone.
Gjatë Forumit ZGC të këtij viti, do të theksohen përpjekjet për hapjen dhe bashkëpunimin e Kinës, duke ftuar organizata ndërkombëtare të teknologjisë shkencore, shkencëtarë, kompani dhe investitorë novatorë, sipas Chen.
Edicioni i këtij viti me temë “Inovacioni: Ndërtimi i një Bote më të Mirë”, do të përmbajë pesë seksione kryesore, duke përfshirë forume dhe takime, tregtimin e teknologjisë, zbulimin e arritjeve dhe konkurse në fusha të avancuara.
Deri në 120 ngjarje janë planifikuar këtë vit, me ftesa të bëra për shkencëtarët kryesorë, përfshirë laureatët e Nobelit, për t’u përfshirë në diskutime mbi inovacionin e hapur dhe për të eksploruar mundësitë për zhvillim të ndërsjellë.
E vendosur në Pekinin veriperëndimor, Zhongguancun strehon më shumë se 17,000 ndërmarrje kombëtare të teknologjisë së lartë. Është zona e parë kombëtare e zhvillimit industrial të teknologjisë së lartë të Kinës dhe njihet si “Lugina e Siliconit të Kinës