E ardhmja e Intelegjencës Artificiale është këtu. Konkursi i parë në botë i bukurisë për Inteligjencën Artificiale do të gjykojë konkurrentët e krijuar nga AI-të që konkurrojnë për titullin “Miss AI”.
Konkursi është pjesa e parë e një programi të çmimeve të prezantuara nga Çmimet Botërore të Krijuesve të AI (WAICA) dhe partneri i saj i parë, Fanvue, një platformë me abonim që mbështet përmbajtje të AI-së. Sipas faqes së internetit të WAICA, organizata është “e përkushtuar për të njohur arritjet e krijuesve të AI në mbarë botën” dhe konkursi i “Miss AI” do të vlerësojë konkurrentët “në bukurinë e tyre, teknologjinë dhe influencën për të fituar kurorën e Miss AI”, shkruan Revista People.
Gjyqtarët do të marrin në konsideratë elemente klasike të konkurseve të bukurisë si pamja, qëndrimi dhe përgjigjet ndaj pyetjeve, por konkurrentët gjithashtu do të fitojnë pikë për aftësitë e tyre teknike dhe zbatimin e mjeteve të AI-së. Në fund, gjyqtarët do të konsiderojnë arritjen e konkurrentëve në mediat sociale, pra normën e rritjes së audiencës dhe mënyrën se si ata angazhohen me fansat në platformat e tyre.
Një njoftim për shtyp nga WAICA shënon se konkursi “simbolizon një hap madhështor përpara – duke u nisur pothuajse 200 vjet pas konkursit të parë të vërtetë të bukurisë që u mbajt në vitet 1880”. Përdorimi i AI-së është një gjë ndryshe.
Paneli i gjyqtarëve të “Miss AI” përfshin dy prej krijuesve më të mëdhenj të AI-së në botë, Aitana Lopez dhe Emily Pellegrini. Lopez dhe Pellegrini janë tërësisht persona digjitalë dhe kanë grumbulluar miliona ndjekës dhe madje kanë krijuar marrëveshje me marka të famshme. Pjesa tjetër e panelit përfshin historianen kryesore të konkurseve të bukurisë, Sally Ann Fawcett dhe ekspertin e marketingut, Andrew Bloch.
Juria do të përcaktojnë një fitues të parë, të dytë dhe të tretë me një paketë çmimesh me vlerë mbi 20,000 dollarë në total. Fituesit do të shpallen më 10 maj dhe një ceremoni çmimesh në internet do të zhvillohet më vonë gjatë atij muaji.