Dy persona kanë rënë në prangat e policisë së Tiranës. Vëllezërit Donald Çeka (Salihi) 30 vjeç dhe Alban Çeka 38 vjeç përdornin lavazhin e marrë me qira në rrugën “Konferenca e Pezës”, për shpërndarjen e lëndëve narkotike.
Ndërkohë në gjendje të lirë do të hetohet Mino Zotaj, qiradhënësi pasi kishte dijeni për veprimtarinë kriminale që ushtronin 2 vëllëzerit.
Gjatë kontrolleve të kryera në ambientet e lavzazhit dhe makinat e tyre blutë gjetën dhe sekuestruan një sasi kanabisi, një sasi kokaine, një armë sportive, një paisje për bllokimin e valëve, 3 aparate celular, 1 peshore elektronike.
“Specialistët e Seksionit për Hetimin e Narkotikëve, në bashkëpunim me Komisariatin e Policisë Nr. 6, bazuar në informacionet e marra në rrugë operative, se në një lavazh në rrugën “Konferenca e Pezës” shpërndaheshin lëndë narkotike, kanë organizuar dhe finalizuar operacionin policor antidrogë të koduar “Bashkëpunimi”.
Në kuadër të këtij operacioni u kapën dhe u vunë në pranga shtetasit:
-D. Ç(S)., 30 vjeç, dhe A. Ç, 38 vjeç, vëllezër, të cilët kishin marrë me qira lavazhin dhe M. Z., 30 vjeç, pasi dyshohet se kishte dijeni për veprimtarinë kriminale që ushtronin 2 vëllëzerit dhe nuk e kallëzoi atë.
Gjatë kontrollit në ambientet e lavazhit që 2 vëllëzërit kishin marrë me qira dhe në 2 automjetet e tyre, shërbimet e Policisë gjetën lëndë narkotike e dyshuar kanabisi, një sasi kokaine, një armë sportive, një paisje për bllokimin e valëve, 3 aparate celular, 1 peshore elektronike, të cilat u sekuestruan në cilësinë e provës materiale”, njoftoi sot policia.
Materialet procedurale iu referuan Prokurorisë së Tiranës, për veprime të mëtejshme.