Në grupin Telegram “Shurka”, pjesë e organizimit të të protestës për rrëzimin e qeverisë Rama, pjesëmarrësit kanë zhvilluar biseda mbi gazetarin Adriatik Doçi dhe rolin e tij të dyshimtë në sabotimin e protestës, dekonspirimin e skenarëve dhe ekspozimin e revolucionarëve. Në diskutim është hedhur edhe pretendimi se fotografitë mund të jenë realizuar prej vetë gazetarit Adriatik Doçi, duke iu referuar hijes së personit që shfaqet në fotografi, pretendim i cili është tërësisht i pavërtetë.
Në diskutime pretendohet se Doçi ka depozituar në SPAK një kallëzim ndaj Agron Shehajt lidhur me një vilë, duke pretenduar gjithashtu se evazioni fiskal ka ndodhur edhe në një shtet tjetër, konkretisht në Itali. Më tej, pjesëmarrësit në këtë grup diskutojnë rreth ekspozimit të revolucionarëve të rinj, të cilët po planifikojnë të ‘ringjallin’ Revolucionin e Flamingove.
Një pjesëmarrës me emrin “Boli” është shprehur se ka gjetur numrin e tij të telefonit, i cili fillon me prefiksin +43, në grupin e Diasporës dhe se do të paraqesë kërkesë në Austri për fshirjen e postimit. Në vijim, një pjesëmarrës ka pyetur nëse mund të denoncojë personat e medias dhe policinë për shkelje të privatësisë dhe të drejtave të njeriut.
Pjesëmarrësit kanë diskutuar gjithashtu për një grup arkitektësh që kanë hapur një faqe interneti ku publikohen dhe evidentohen afera të ndërtimeve të ndryshme. Ata janë shprehur se gjatë muajit shtator mund të zhvillohen organizime dhe iniciativa me përfshirjen e profesionistëve nga fusha të ndryshme. Hidhet idea që këta profesionistë të jenë pjesë e qeverisë teknike.
Ndërkaq, në 8 gusht, në grupet e komunikimit janë zhvilluar biseda të tjera për organizimin e protestave, shpërndarjen e bisedave etj.
Flamingo Rise: Baki Goxhaj shpërndan në grup foton e një flamingoje të mbuluar me shallin përfaqësues të Palestinës, foto e realizuar gjatë protestës, me shkrimin: Pikante.
Tiranë 14-16 gusht: Diskutohet rreth identitetit të përsonit i cili ka shpërndare bisedat e grupit për artikullin prapaskena. Diskutohet për një denoncim kundrejt pronarit dhe subjektit me të cilin lidhet kjo media. Shpërndahet një thirrje për protestë në datën 12.09.2026 (shtator), me thirrjen Autokolona e Diasporës, numër kontakti +447494810055. Kjo thirrje lihet për një moment të dytë në mënyrë që të mos ketë ngatërresa lidhur me protestën më të afërt. Grupi aktualisht numëron 119 anëtarë.
Dortmund: Shpërndahet thirrja për protestën e dative 14-16 gusht në Tiranë dhe gjithashtu bëhet thirrje për të shpërndarë dhe pëlqyer llogarinë me emër përdoruesi protestat.e.diaspores në platformën Instagram.
Duseldorf: Jepen detajet për vendin e takimit të datës 09.08.2026 në Duselfdorf.
Heidelberg: Diskutohet rreth protestës së zhvilluar me datë 08.08.2026 dhe falenderohen anëtarët për pjesëmarrjen.
Londër: Shtetasja Alketa Bajrami shpërndan një email drejtuar Entit Rregullator të Energjisë (ERE), lidhur me kërkesën për transparencë, shqyrtim të pavarur dhe mbrojtje të interest public në lidhje me procedurën e lincensimit të TEC-eve lundruese “Tigri1” dhe “Tigri3” në Vlorë.
Malmo: Shpërndahet një artikull i shkruar nga një media gjermane lidhur me “Revolucionin Flamingo”.
Diaspora Vepron: Bëhet thirrje për transmetim të drejtpërdrejt të protestave të diasporës (Frankfurtit) nga media shqiptare për të ndërgjegjësuar qytetarët.
Atdheu thërret: Hidhet dyshimi rreth personave të cilët shfaqen në krye të protestës, si persona të cilët dhe janë arrestuar më parë. Në vijim ngrihet pyetja nga anëtarët pse nga 2 korriku kur sheshi ishte plot tani janë shume pak persona të cilët protestojnë. Dikush shprehet: “Me cfarë po dëgjoj dhe lexoj më duket se është e kot që të protestoj”.
Kuvendi Kombëtar Qytetar: Ka mosmarrëveshje mes anëtarëve lidhur me mënyrën e zhvillimit të protestave dhe hatërmbetje personale mes tyre. Shpërndahet lajmi i zjarrit në Krujë që shërben si nxitës në vijim e aktivitetit.
