NATO është zyrtarisht në luftë me Rusinë. Kështu është shprehur zëdhënësi i Kremlinit, Dmitry Peskov. Në një reagim për mediat ruse, Peskov ka bërë me dije se NATO aktualisht po lufton kundër Rusisë.
“NATO po lufton kundër Rusisë, kjo është e qartë dhe nuk ka nevojë për prova shtesë. NATO është de facto e përfshirë në këtë luftë. NATO po ofron mbështetje të drejtpërdrejtë dhe të tërthortë për regjimin e Kievit. Kjo është arsyeja pse mund të thuhet me siguri absolute se NATO po lufton kundër Rusisë. Mund të thuhet me siguri absolute se NATO po lufton kundër Rusisë. Për më tepër, përpjekjet diplomatike për t’i dhënë fund luftës aktualisht janë pezulluar. Nuk ka fleksibilitet nga ana e Ukrainës në këtë drejtim”, tha zëdhënësi i Kremlinit, Dmitry Peskov.
Sakaq, sipas ish-Presidentit të Russië, Dmitry Medvedev, Rusia do ta konsideronte mbrojtjen e hapësirës ajrore ukrainase nga forcat e NATO-s si një deklaratë lufte.
Zëvendëskryetari aktual i Këshillit të Sigurisë në Moskë shkroi në kanalin e tij rus Telegram se: “Zbatimi i idesë provokuese të Kievit dhe idiotëve të tjerë për të krijuar një zonë ndalim-fluturimi mbi Ukrainën dhe për të rrëzuar dronët tanë me forcat e NATO-s do të thotë vetëm një gjë – një luftë e NATO-s me Rusinë”.
Nënkryetari i Këshillit të Sigurisë Ruse, Dmitry Medvedev, po i kërcënon shtetet evropiane me pasoja nëse ato përpiqen të konfiskojnë asetet e ngrira ruse.
“Rusia do t’i ndjekë shtetet e BE-së deri në fund të shekullit”, shkruan ish-presidenti në Telegram.
Kjo vjen pas raportimeve në media se Komisioni i BE-së po shqyrton përdorimin e të ardhurave nga asetet e ngrira ruse për të financuar Ukrainën. Rusia e përshkruan çdo konfiskim të aseteve të saj si vjedhje.
