Nga Eljanos Kasaj*
Minsk,Bjellorusi-Pak dite me pare mbërriti në kryeqytetin bjellorus, në emër të Presidentit të Shteteve të Bashkuara të Amerikës, Donald Trump, një delegacion i kryesuar nga përfaqësuesi i tij, John Cole.
Delegacioni pati një pritje zyrtare dhe një takim tété-a-tété me presidentin bjellorus Aleksandr Lukshenko(Аляксандр Лукашэнка) dhe me kabinetin e tij presidencial.Vlen të theksohet se ky është takimi i dytë i presidentit bjellorus, brenda më pak se një muaji, me një delegacion zyrtar amerikan të nisur posaçërisht prej presidentit amerikan.
Le të kujtojmë se më 15 gusht,në prag të takimit midis presidentit rus Vladimir Putin në Alaska, presidenti Donald Trump telefonoi presidentin Lukashenka, për të dikutuar mardhënket midos dy vendeve, por dhe çështjet e sigurisë rajonale. Më vonë, udhëheqësi bjellorus pati një bisedë telefonike me përfaqësuesin amerikan John Cole.
Sipas informacioneve të publikuara nga Agjencia e Ljameve Bjelloruse BELTA takimi i sotëm raportohet të ketë zgjatur rreth pesë orë.
Gjatë takimit, zoti Coale i dha gjithashtu presidentit Lukashenka një dhuratë me butona manshete nga presidenti Trump, si dhe një letër urimi të nënshkruar personalisht nga presidenti amerikan.“Ai e nënshkroi ‘Donald’. Ky është një akt i rrallë miqësie personale”, i tha zoti Coale Lukashenkos pasi ia dorëzoi letrën, ku Trump dhe bashkëshortja e tij Melania e uronin udhëheqësin bjellorus për ditëlindjen e tij të 71-të muajin e kaluar,ku ndër të tjera, presidenti amerikan vuri në dukje fitoren e fundit të tenistes bjelloruse Arina Sabalenka(Арына Сяргееўна Сабаленка) në US Open.
Ndër temat e diskutuara gjatë takimit ishte dhe mardhëniet ekonomike. Presidenti Lukashenka e quajti atë çështjen më të rëndësishme:”Unë mendoj se ju keni interesa në Bjellorusi dhe nëpërmjet Bjellorusisë në Rusi në sferën ekonomike. Natyrisht, ne kemi një interes të madh në vendin tuaj global për sa i përket ekonomisë”.
Në fjalën e tij zoti Cole,theksoi se Uashingtoni dëshiron të normalizojë marrëdhëniet me Minskun. Përfshirë kthimin e ambasadës amerikane në Bjellorusi. Si shenjë e këtij vullneti të mirë të pesidentit Trump, gjatë takimit, u bë e ditur se SHBA-të hoqën plotësisht sanksionet ndaj linjës ajrore bjelloruse “Belavia”. Sipas zotit Cole, “ky është vetëm fillimi”.
Ky takim duket se ka bërë të qartë agjendën individualiste diplomatike të presidentit Trump, i cili është duke u munduar me çdo mënyrë të krijoj ura komunikimi me shtetet ku Bashkimi Evropian ka dështuar të krijojë aleanca ose të arij ruajtjen e status-quo rajonale, duke u prezantuar atyre(si në rastin e Marëveshjes së Paqes midis Armenisë dhe Azerbajxhanit të nën shkruar në Shtëpinë e Bardhë) një alternativë balancuese kundrejt Bllokut të BRICS(sidomos kundrejt influencës politiko-ekonomike të Rusisë dhe Kinës)-duke treguar qartë se tashmë amerikanët e kanë marrë vetë në kontroll situatën dhe nuk do të përdorin më kanale filtruese si NATO ose aleatët evropian për të arritur objektivat e tyre.
*Fakulteti i Shkencave Politike. Universiteti i Wroclaw (Uniwersytet Wrocławski), Poloni