Në emisionin “Me Zemër të Hapur” është trajtuar historia që ka te bëjë me dhunën fizike dhe konfliktin fizik mes një çifti të divorcuar.
Familja e ish bashkëshortit rrëfehet për redaksinë se ish- gruaja ka dhunuar bashkëshortin dhe po i mban atij me forcë shtepinë te cilën e ka trashëgimi nga babai dhe nuk është vetëm shtëpi në pronësi të tij por edhe e motrave dhe vellezërve të tij.
Ndërkohë janë publikuar pamjet e dhunës mes dy ish-bashkëshortëve.
Pas fjalës së 38-vjeçarit , në një lidhje të drejtpërdrejtë ka reaguar edhe e motra e cila ka folur në lidhje me ngjarjen. Gjatë fjalës së saj ajo tregoi se aktualisht dokumentat origjinale ndodhen në banesë dhe se ish-bashkëshortja e vëllait nuk ia dorzon. Ajo tha se dëshiron që të shkoj tek shtëpia pasi i takon ligjërisht.
“Në fillim unë dua të sqaroj disa gjëra. Dokumentat origjinale ndodhen në banesë dhe zonja nuk na i jep. Unë dëshiroj të shkoj tek shtëpia sepse ajo mua më takon ligjërisht”, tha ajo.
Gjatë emisionit moderatorja Evis Ahmeti telefonoi edhe ish-bashkëshorten e 38-vjeçarit në lidhje me ngjarjen. Gjatë telefonatës ajo u shpreh se nuk dëshiron të prononcohet dhe se çdo gjë do i ndjekë në rrugë ligjore.
“Nuk dëshiroj të prononcohem dhe çdo gjë do vazhdoj ta ndek në rrugën ligjore”, përfundoi ajo
