Një 44-vjeçar ka rënë në prangat e policisë, pasi akuzohet se ka plagosur me thikë një 64-vjeçar gjatë një konflikti që patën mëngjesin e sotëm në fshatin Çermë Sektor në Divjakë.
Burime bëjnë me dije se Ferit Balliu rreth 65 vjeç banues i Çermë Sektorit në njësinë administrative Tërbuf bashkia Divjakë u plagos këtë të hënë me thikë.
Agresori banues në Çermë të sipërme u largua pas ngjarjes por është identifikuar dhe kapur nga policia.
Bëhet fjalë për shtetasin Lulzim Muça 44 vjeç.
Viktima i plagosur ndodhet në reanimacionin e spitalit të Lushnjes nën kujdesin e mjekëve.
Nuk dihen ende shkaqet e konfliktit dhe përplasjes midis autorit dhe viktimës.
Njoftimi i policisë
Divjakë/Informacion paraprak
Plagosi me mjet prerës (thikë) një shtetas, pas një konflikti për motive të dobëta, falë ndërhyrjes së menjëhershme të Policisë, kapet dhe shoqërohet 44-vjeçari.
Shërbimet e Komisariatit të Policisë Divjakë, menjëherë pas marrjes së njoftimit, për një konflikt ndërmjet dy shtetasve, në fshatin Çermë-Sektor, kanë organizuar punën me qëllim zbardhjen e rrethanave të këtij rasti.
Si rezultat i veprimeve të shpejta operacionale, u bë e mundur kapja dhe shoqërimi i autorit të dyshuar, shtetasit L. M., 44 vjeç, banues në Çermë-Proshkë.
Nga veprimet hetimore të deritanishme, dyshohet se rreth orës 14:00, 44-vjeçari, pas një konflikti të çastit, për motive të dobëta, ka goditur me mjet prerës (thikë) shtetasin F. B., 64 vjeç, banues në Çermë-Sektor, i cili ndodhet në spital, në kujdesin e mjekëve.
U sekuestrua mjeti prerës me të cilin autori plagosi 64-vjeçarin.
Grupi hetimor po punon për zbardhjen e plotë të rrethanave të ngjarjes.