Nga Eljanos Kasaj*
Varshavë(Warszawa), Poloni-Kandidati i partisë opozitare së krahut të djathtë Ligj dhe Drejtësi ( Prawo i Sprawiedliwość ) Karol Nawrocki ka fituar raundin e dytë të zgjedhjeve presidenciale polake, duke fituar 50.89% të votave pasi Komisioni Shtetëror i Zgjedhjeve përpunoi të gjitha fletëvotimet, raportoi kanali televiziv polak Telewizja Polska World(TVP World) .
Rafal Trzaskowski, kandidat i Koalicionit Qytetar në pushtet dhe kryebashkiak i Varshavës, mori 49.11%.
Gjatë raundit të parë të votimeve, Trzaskowski doli i pari me 31.4% të votave, ndërsa Nawrocki u rendit i dyti me 29.5%, duke kaluar në raundin e dytë.Interesant qe dhe rezultatet e partive të vogla, ku kandidatët e krahut të djathtë, Sławomir Mentzen (Shpresa e Re/Nowa Nadzieja ) dhe Grzegorz Braun i Konfederatës monarkiste të Polonisë(Konfederacja Korony Polskiej) surprizuan sondazhet, duke fituar respektivisht 14.8% dhe 6.3%, duke u renditur në vendin e tretë dhe të katërt. Kandidati i qendrës Szymon Hołownia (Polska 2050 Szymona Hołowni-PL2050) dhe kandidatët e krahut të majtë të Magdalena Biejat (E majta/Lewica) dhe Adrian Zandberg (Partia së Bashku/Partia Razem) patën një performancë të dobët elektorale.
Karol Nawrocki kandidoi në një platformë ktistian-nacionaliste dhe kulturalo-konservatore dhe kundër koalicionit qeverisës së kryeministrit Donald Tusk.Platforma e Nawrocki-t bëri thirrje për ndërhyrje të rëndësishme të qeverisë në ekonomi, mbajtjen e lidhjeve të ngushta midis Kishës Katolike në Poloni dhe qeverisë polake, kriminalizimin e gjerë të abortit dhe kundërshtimin ndaj legalizimit të martesave të të njëjtit seks ose bashkimeve civile, duke përmendur etikën seksuale të Kishës Katolike dhe mbrojtjen e familjes tradicionale.
Oponenti i tij, Rafał Trzaskowski kandidoi me një platformë neo-liberale e cila synonte reforma për liberalizimin ekonomik, integrimin evropian, legalizimin e gjerë të abortit,futjen e bashkimeve civile të të njëjtit seks, dhe një autonomi më të madh për qeveritë lokale në vojvoda(województwa/provinca).
Mardhëniet me Bashkimin Evropian dhe antarësimi i Ukrainës në NATO qenë dy çështjet që bënë diferenën më të madhe midis dy kndidatëve,ku Tzraskowski mbështeste forcimin e mëtejshëm të marrëdhënieve me Bashkimin Evropian dhe anëtarësimin e Ukrainës në NATO, mbeshteste, ndërsa Nawrocki kundërshtonte anëtarësimin e Ukrainës në NATO dhe zgjerimin e mardhënieve me Bashkimin Evropian.Por të dyja platformat qenë pro-perëndimore dhe pro-NATO.
Përveç diferencave ideologjike të kandidatëve,në vëmendje ka qenë edhe polarizimi politik midis qyteteve dhe fashatit, Lindjes(Polonisë B) dhe Perëndimit(Polonisë A), gjeneratës së re dhe brezit të vjetër-të cilat sot, rreth 35 vite që prej tranzicionit demokratik të viteve 1988-1989, formëzojnë puzzel-in socialo-kultural të Polonisë.
Raundi i dytë i zgjedhjeve presidenciale u mbajt në Poloni më 1 qershor dhe rezultati i tyre ishte më i afërti në historinë polake që nga rënia e Republikës Popullore Polake.Komisioni Shtetëror i Zgjedhjeve tha në faqen e tij të internetit se pjesëmarrja prej 71.63% ishte një rekord për zgjedhjet presidenciale në Poloni. Rekordi i mëparshëm i pjesëmarrjes në votime ishte 68.23% dhe u regjistrua në vitin 1995.
Duket se me ardhjen e qeshorit,nuk është vetëm stina e verës duke filluar,por dhe një kapitull i ri në skenën politike polake.
*Fakulteti i Shkencave Politike. Universiteti i Wroclaw (Uniwersytet Wrocławski), Poloni