Personi në foto është Ylber Jaku, autori i vrasjes së 34-vjeçarit Rushit Sallahu pasditen e sotme në Has. Jaku qëlloi Sallahun për vdekje teksa ndodhej brenda automjetit të tij.
Siç shihet në foto, Ylber Jaku mban mjekër të gjatë ndërsa në profilin e tij në rrjete sociale shfaqet si një besimtar mysliman i devotshëm duke promovuar fenë islame.
Krimi mësohet se ka ndodhur për motive pronësie.
Policia ka arrestuar menjëherë autorin e krimit ndërsa grupi hetimor ndodhet në vendin e ngjarjes për të zbardhur të tjera detaje. Mes fiseve Sallahu dhe Jaku ka patur përplasje edhe më përpara në lidhje me çështjen e pronave.
Çfarë ndodhi një ditë më parë?!
Dje, 21-vjeçarja me inicialet A.S., e afërme e viktimës së sotme, është konfliktuar duke goditur me sende të forta A. J., 65 vjeç dhe V. J., 60 vjeçe (bashkëshortë). 21-vjeçarja banuese në Pla u arrestua nga policia ndërsa akuzohet për veprat penale “Plagosja e rëndë me dashje” dhe “Plagosja e lehtë me dashje”. Çifti i bashkëshortëve ndodhet në spital ku po marrin ndihmë mjekësore.
Dy të personat e plagosur dje, janë të afërmit e autorit të vrasjes së Rushit Sallahut pasditen e sotme në Has. Krimi i rëndë ka ndodhur për motive pronësie ndërsa autoritetet vijojnë hetimet për të zbardhur të tjera detaje për rastin në fjalë.
