Giorgia Meloni është “personi më i fuqishëm në Europë” sipas renditjes për vitin 2025 të edicionit europian të revistës amerikane Politico .
“Kë telefononi nëse doni të flisni me Evropën? Nëse jeni Elon Musk, njeriu më i pasur në botë dhe një këshilltar kryesor i presidentit të zgjedhur të SHBA-së, Donald Trump? Numri që merrni në telefon i përket Giorgia Melonit”, fillon artikulli kushtuar kryeministres.
“Në më pak se një dekadë, liderja e partisë së krahut të djathtë “Vëllezërit e Italisë” ka kaluar nga një ultranacionaliste në kryeministre të Italisë, duke u vendosur si një figurë me të cilën Brukseli dhe tani Uashingtoni, mund të bëjnë biznes”.
Prandaj Politico kthehet për të njohur meritat e mëdha të Giorgia Meloni pasi e zgjodhi atë “liderin më konkret në BE” në nëntor 2023.
“Meloni, u bë kryefjala botërore si kryeministrja e parë femër në Itali, por pakkush do ta kishte parashikuar qëndrimin e saj të gjatë në pushtet.
Analistët besonin se lufta e brendshme do të ndante në mënyrë të pashmangshme koalicionin e saj qeverisës të krahut të djathtë dhe nuk kishte entuziazëm për të në Bruksel.
Por gjatë dy viteve të fundit Meloni e ka konsoliduar qeverinë e saj si një nga më të qëndrueshmet në post-Itali, megjithëse vendi është rënduar nga një borxh publik i barabartë me 137% të PBB-së, parashikimet ekonomike nuk janë aq të zymta sa të trembin investitorët e huaj, të tërhequr nga një klimë politike jashtëzakonisht e qetë”, shkruhet mes të tjerash në artikull.