Qeveria britanike ka rekomanduar një rritje pagash prej 2.8% për punonjësit e sektorit publik për vitin 2025-2026, përfshirë mësuesit dhe stafin e shërbimit shëndetësor.
Sindikata Unison tha se rritja e propozuar e pagave ishte “pothuajse mbi nivelin e kostos së jetesës”, ndërsa sindikatat e mësuesve thanë se do të thellonte vetëm “krizën” në rekrutimin dhe mbajtjen e punonjësve.
Sekretarja e Përgjithshme e Kolegjit Mbretëror të Infermierisë dhe Drejtoresha Ekzekutive, Prof. Nicola Ranger, e përshkroi rekomandimin e pagës si “thellësisht ofendues”.
“Sot qeveria i ka thënë stafit infermieror se ata vlejnë vetëm £2 më shumë në ditë, më pak se çmimi i një kafeje,” tha ajo.
Departamenti për Arsim tha se rritja e pagës prej 2.8% do të “mbajë konkurrueshmërinë e pagave të mësuesve, përkundër sfidave financiare që po kalon qeveria”.
Megjithatë, Sindikata Kombëtare e Arsimit tha se kjo është “shumë nën masat urgjente që kërkohen”.
Sekretari i Përgjithshëm, Daniel Kebede, tha: “Paga e mësuesve është zvogëluar me më shumë se një të pestën në terma realë që nga viti 2010, duke prekur standardet e jetesës të mësuesve dhe duke dëmtuar pozicionin konkurrues të mësimdhënies krahas profesioneve të tjera.” /a.m.
