Gazetari i Vizion Plus Bepin Kolvata ka siguruar emrin e personit që është arrestuar për vrasjen e Elis Rroshkodolit.
Ai është Xhuliano Malo 26-vjeç, ndërsa 3 të tjerë bashkëpunëtorë në krim, janë shpallur në kërkim.
Kush është Xhulio Malo
Ai është i lindur në Lazarat dhe u arrestua në vitin 2017 nga policia pas vrasjes së efektivit të RENEA-s Ibrahim Basha.
Në momentin e kapjes në atë kohë Malos iu gjetën një sasi e madhe municionesh në automjetin që ai drejtonte.
Malo i dha dëshmi të rëndësishme policisë për sulmin ndaj RENEA-s, duke treguar se autorët e vrasjes së Ibrahim Bashës janë vëllezërit Alban dhe Arbion Aliko së bashku me një person tjetër.
Hetimet e policisë
Nga hetimet e kryera rezulton se këta 4 persona kanë organizuar dhe kanë kryer vrasjen e Elis Rroshkodolit.
Gjithashtu policia ka zbuluar edhe një garazh në Tiranë, që iu shërbente atyre, si bazë për të fshehur automjete të trafikuara, të cilat do të përdoreshin gjatë kryerjes së krimeve.
3 makina të vjedhura në shtete të ndryshme të Europës dhe pjesë të automjetit të përdorur nga autorët, gjatë vrasjes së rroshkodolit janë sekuestruar si provë nga policia.
14 plumba depërtuan trupin e viktimës nga 18 që u shkrepen prej një distance të afërt nga pistoleta me silenciator, paraditen e së premtes së 30 gushtit.
Viktima Rroshkodoli nuk është emër i panjohur për policinë, pasi ai në vitin 2014 dyshohet se është përfshirë në një vjedhje në Belgjikë, i arrestuar bashkë me një grup shqiptarësh.
Në vitin 2023, ai ishte autori i dyshuar për plagosjen e një rumuni në Rumani nga ku ishte arratisur drejt Stambollit.
Baza kriminale në Mullet
Një grup kriminal me bazë në Tiranë, ka organizaur dhe kryer vrasjen e 36-vjeçarit Elis Rroshkodol në Shkodër, më 30 gusht.
Policia e Shkodrës ka identifikuar 4 persona si të përfshirë në këtë ngjarje. Njëri prej tyre është arrestuar, ndërsa tre të tjerët janë shpallur në kërkim.
Një garazh i zbuluar në Mullet të Tiranës, dyshohet se iu shërbente 4 shtetasve si bazë kriminale për të fshehur automjete të trafikuara, të cilat do të përdoreshin gjatë kryerjes së krimeve.
Policia ka sekuestruar 3 automjete të trafikuara nga shtete të ndryshme të Europës dhe pjesë të automjetit të përdorur nga autorët, gjatë vrasjes së Rroshkodol.
Në kuadër të operacionit policor të koduar “Fjalëkryqi” u arrestua shtetasi me iniciale Xh.M, 26 vjeç, për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpunim.
Gjithashtu, u identifikuan dhe u shpallën në kërkim, për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim, shtetasit J. Xh., 31 vjeç, V. Xh., 38 vjeç dhe D. M., 42 vjeç.
Nga hetimet dyshohet se këta 4 shtetas kanë organizuar dhe kanë kryer vrasjen e shtetasit E. Rr. (Sh.).
Policia po vijon kërkimet për lokalizimin dhe ndalimin e tre shtetasve të shpallur në kërkim.
/a.r