Irani vajton sot vdekjen e presidentit Ebrahim Raisi.
Televizioni shtetëror Iranian konfirmoi mëngjesin e kësaj të hëne vdekjen e presidentit Ebrahim Raisi dhe ministrit të jashtëm Hossein Amir Abdollahian.
Presidenti dhe ministri humbën jetën, kur helikopteri me të cilin ata po udhëtonin u rrëzua nga mjegulla dhe moti i keq.
Mediat e huaja kanë publikuar momentin nga shpallja e vdekjes së presidentit iranian. Njoftimi është bërë në xhaminë Imam Riza në qytetin e Mashhadit.
“Me keqardhje ju njoftojmë se lideri ynë Ajatollah Sejjid Ebrahim Raisi, shërbëtori i Imam Rizait, i cili tre vjet më parë në ditën e lindjes së Imam Rizait u bë presidenti i tetë i Republikës Islamike ra dëshmor në natën e lindjes së imamit Reza”, tha ai në njoftim.
Jashtë xhamisë, qindra mbështetës të qeverisë iraniane, sipas New York Times, , shpërthyen në britma dhe vajtime kur u bë njoftimi. Në fakt, në xhami në shenjë zie është ngritur në gjysmështizë një flamur i zi.
/a.r
The official announcement of the death of Iranian President Raisi at the shrine of Imam Reza
Details — https://t.co/sBySQHQSKn#IranHelicopterCrash #EbrahimRaisi #IranianPresident #HelicopterAccident #EmergencyResponse pic.twitter.com/CFMWHRLT4X
— Daryo | Central Asia & Afghanistan (@DaryoEng) May 20, 2024