Për ju që jeni fansa të Met Gala, ju bëjmë me dije se lista e të ftuarve po përpilohet. ‘Page six’ thekson se deri më tani, lista përfshin Gisele Bündchen, Rihanna, Kendall Jenner dhe shumë emra të tjerë të njohur.
Po ashtu, pjesë e listës sipas medias rozë është edhe ylli i “Killers of the Flower Moon” Lily Gladstone dhe ylli i “The Bear” Ayo Edebiri. Modelja Gisele Bündchen do të marrë pjesë së bashku me të dashurin e saj, instruktorin jiu-jitsu Joaquim Valente. Kujtojmë se supermodelja mori pjesë në disa Met Gala në të kaluarën me ish-bashkëshortin Tom Brady. Nga ana tjetër, Rihanna do të jenë sërish në Muzeun Metropolitan të Artit, thotë një burim për ‘Page six’.
E të gjithë sytë janë te Kardashianët. A do marrin pjesë këtë vit. Bëhet e ditur se të paktën një Kardashian do të jetë e pranishme: Kendall Jenner. Ende nuk ka asnjë informacion nëse Kim Kardashian dhe motrat e tjera, së bashku me Kris Jenner, do të marrin pjesë siç kanë qenë në të kaluarën.
Olivia Rodrigo, Uma Thurman, Sarah Paulson dhe Cara Delevingne do të jenë gjithashtu pjesë e Met Gala.
Tema e galasë së këtij viti, e cila zhvillohet të hënën e parë të majit, është “Kopshti i kohës”. Biletat shiten për 50,000 dollarë për person.
Zendaya, Chris Hemsworth, Bad Bunny dhe Jennifer Lopez janë bashkë-moderatorët.
