Shtyhet për ditën e nesërme seanca në Apelin e GJKKO-së për shqyrtimin e ankimit të Jamarbër Malltezit, i cili kërkon heqjen e sekuestros ndaj pasurive.
Kjo për shkak se gjyqtarja Emiliana Muca, po shqyrton kërkesën e Prokurorisë së Posaçme (SPAK), për përjashtimin e gjyqtares, Iliriana Olldashi, pasi sipas tyre është në konflikt interesi. Seanca do të zhvillohet nesër më datë 24.11.2023, ora 12:00.
Theksojmë se Jamarber malltezit i jane sekuestruar 25 pasuri, përfshirë apartamente, një vilë , 6 llogari bankare dhe aksione në kompani. Sipas shortit te dates se sotme, kerkesen per perjashtim do ta shqyrtoje gjyqtarja Miliana Muca. Pak ditë më parë, e njëjta gjyqtare vendosi të nxirrte nga qelia Malltezin, duke i caktuar masën e sigurisë së “arrestit në shtëpi”.
“Duke iu përgjigjur interesit të lartë të medias dhe publikut, mbi zhvillimin e seancës gjyqësore të datës 23.11.2023, ora 09:00, mbi çështjen penale nr. 168 akti, datë 13.11.2023 regjistrimi, regjistruar mbi ankimin e ankuesit/personit nën hetim J.M. dhe palës së interesuar A.M., me objekt: “Ankim ndaj vendimit nr. 410, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar mbi vendosjen e sekuestros preventive mbi sendet, Gjykata e Posaçme e Apelit për Korrupsionin dhe Krimin e Organizuar, informon se trupi gjykues monokratik i përbërë nga gjyqtarja Iliriana Olldashi, urdhëroi shtyrjen e seancës gjyqësore për në datë 24.11.2023, ora 12:00”, thuhet në njoftim.
