Një zjarr i përmasave të mëdha ka përfshirë këtë të martë, 14 prill, një pallat shumë-katësh. Bëhet fjalë për një kompleks pallatesh në afërsi të spitalit “Nënë Tereza”, ku aty pranë janë dhe konviktet e studentëve të mjekësisë dhe infermierisë.
Deri në këto momente, raportohet për të paktën dy person të lënduar. Dyshohet për shkak të asfiksisë.
Siç duket dhe nga pamjet e siguruara nga Klan News, ai u nxorr nga zjarrfikëset përmes shkallëve ndihmëse, pasi ndodhej në katet e sipërme të godinës. Nuk dihet ende nëse ka persona të tjerë të lënduar, megjithatë, pjesa më e madhe e banorëve janë evakuuar.
Gjithashtu një punonjës i zjarrfikëses është marrë me autoambulancë pasi nuk është ndjerë mirë gjatë teëntativës për shuarjen e zjarrit.
Fillimisht flakët përfshin fasadën e pallatit dhe më pas ato u përhapën me shpejtësi.
Zjarri është mjaft agresiv, gjë që ka pasuar në rrëzimin e një pjesë të fasadës së pallatit në vetëm pak minuta.
Në rrezik janë vënë dhe njësitë e tjera të kompleksit të pallateve.
Teksa ekziston rreziku që flakët të përhapet më tej, në vendngjarje ndodhen shërbime të shumta zjarrfikëse që po punojnë intensivisht për shuarjen e flakëve, ashtu sikurse shërbimet e Policisë. Raportohet të ketë shkuar dhe Ministri i Brendshëm, Besfort Lamallari.
Situata është mjaft dramatike, teksa gazetarja Ermelinda Hoxha raporton se dyshohet paraprakisht që zjarri të jetë shkaktuar nga një shkëndijë, por kjo nuk është e konfirmuar.
Urgjenca dhe djegie plastika janë në gatishmëri lidhur me këtë ngjarje të rëndë.
*Ky është zhvillim i minutave të fundit dhe të dhënat janë gjatë gjithë kohës në përditësim!
