Dy personazhet e TikTok, Genard Hajdini dhe motra e tij Sonida janë marrë nga shërbimi social dhe po trajtohen në Qendrën e Shëndetit mendor pranë QSUT.
Kjo është hera e dyta brenda pak javësh që ata shtrohen për trajtim në psikiatri pas sjelljeve të tyre shqetësuese në rrjetet sociale.
Një ditë më parë Genard Hajdini ka publikuar sërish në rrjetet sociale pamje të motrës së tij në gjendje të papërshtatshme, ku kjo e fundit dukej gjysëm e zhveshur.
Ndërkohë, sot ai ka njoftuar ‘live’ nga spitali psikiatrik përmes TikTok, duke konfirmuar se ai dhe motra e tij janë sërish të shtruar, teksa ka hedhur akuza ndaj shtetit.
“Shiko ku jam te psikiatria, na futën prapë edhe mua edhe Sonidën. Futën Sonidën më tepër të kuronin atë, por edhe më këtë rast më thanë të kujtojmë edhe ty. Çfarë halli kam unë, unë jam më rregull vetëm se i mëshoj ‘Instagramit’. Na futi shteti shteti mbreti, andej nga Surreli. Çfarë do bëjmë tani, do bëjmë ndonjë xhingë e, do bëjmë gallatë hajde hajde psikiatri, na është bërë si Tiranë-Durrës, çdo 2-3 javë në psikiatri, a jeni në terezi a jo”, shpreh ai.
