Detaje të reja janë zbardhur për shpërthimin me tritol në makinën e O. K. më 10 mars në Tiranë. Shtatë persona janë arrestuar për ngjarjen, ndërsa fillimisht ata kanë refuzuar të japin deklarime. Megjithatë siç ka mësuar gazetari Besar Bajraktaraj më pas kanë pranuar përfshirjen.
Hetimet zbuluan se porosia për vendosjen e eksplozivit ishte dhënë nga S. N., i cili ndodhet në burg për vepra të rënda penale.
Fillimisht dyshohej për një konflikt mes tij dhe Klosit për një borxh prej 15 mijë eurosh, por nga deklarimet e të arrestuarve rezultoi se porositësi nuk kishte njohje personale me shënjestrën dhe kishte vepruar për llogari të personave të tjerë, identitetin e të cilëve nuk e ka bërë të ditur.
Ndërsa personi që vendosi tritolin në automjet është J. Gj. Ai ka deklaruar se ka pranuar ta kryejë shpërthimin për të shlyer një borxh prej rreth 15 mijë eurosh ndaj porositësit, pas humbjes së një ngarkesë droge në Gjermani.
Ngjarja u zbardh pasi autorët përdorën një biçikletë të vjedhur nga K. A. Pas shpërthimit, biçikleta u fsheh në një ambient në zonën e Laprakës dhe nga ndjekja e tij, policia arriti të identifikojë edhe personat e tjerë të përfshirë.
