Partia Socialiste i është drejtuar me një shkresë zyrtare KANVVJ (Komisionit të Administrimit, Numërimit dhe Vlerësimit të Votave nga Jashtë) që të marrin masat për vijimin e rregullt të procesit të numërimit dhe vlerësimit të votave nga jashtë për qarqet Korçë e Dibër.
Partia Socialiste pretendon se gjatë procesit të numërimit nga Grupet e Numërimit të Votës nga Jashtë (GNVJ) janë kontestuar pothuajse 25% e zarfeve ‘B’, që sipas socialistëve, nuk ka pasur asnjë arsye apo shkak të dukshëm.
PS i bën thirrje KANVNJ-së që marrë vendim me shumicë votash për kontestimet e grupit të numërimit.
“Referuar Udhëzimit të punës për KANVVJ dhe GNVJ, miratuar me vendim të Komisionit Rregullator nr. 33, datë 08.05.2025, dalë në zbatim të vendimit nr. 22, datë 20.03.2025 të Komisionit Rregullator, KANVVJ, në këto raste duhet të marrë vendim lidhur me kontestimet e GNVJ. Deri më tani ka rezultuar se nuk kemi asnjë vendim të marrë nga ky komision, çka ka sjellë si pasojë mosvlerësimin dhe mos numërimin e këtyre zarfeve ‘B’
Në këto raste, Komisioni duhet të marrë vendim me shumicë votash për kontestimet e Grupit t Numërimit.
Sa sipër, lutem merrni masa për vijimin e procesit në mënyrë të rregulli dhe vlerësimin e zarfeve B’ të kontestuara deri në këtë fazë nga Grupet e Numërimit dhe përmbylljen e procesit numërimit”, thuhet në shkresën e PS.