Dronët detarë ukrainas goditën përsëri dhe çaktivizuan një anije cisternë, që i përkiste flotës në hije të Rusisë.
Sulmi ndodhi teksa ajo po lundronte nëpër zonën ekonomike ekskluzive të Ukrainës, në Detin e Zi dhe drejtohej për në portin rus të Novorossiysk, tha një zyrtar ukrainas.
Anija cisternë ‘Dashan’, e cila po lundronte me shpejtësi maksimale me transponderët e saj të fikur, pësoi dëme të konsiderueshme gjatë sulmit.
Autoritetet thanë se eksplozivë të fuqishëm goditën pjesën e pasme.
Lajmi u dha edhe nga një zyrtar i Shërbimit të Sigurisë Ukrainase, teksa u publikuan edhe pamje filmike të këtij sulmi.
Edhe më herët dronët ujorë ukrainas kishin bombarduar dy prej cisternave ruse të naftës në Detin e Zi, që kishin thyer sanksionet e BE, SHBA dhe Britanisë së Madhe.
Footage of Ukrainian sea drones repeatedly striking the Russian dark fleet oil tanker Dashan in the Black Sea earlier today.
The tanker was headed to pick up oil from the port of Novorossiysk. pic.twitter.com/T8ervOdOQM
— OSINTtechnical (@Osinttechnical) December 10, 2025