“Trump ka vdekur”. Ka qenë ky hashtagu që nisi të përhapej me shpejtësi në rrjet pasditen e së shtunës. Po ashtu video virale të paverifikuara të cilat tregonin ambulanca pranë Shtëpisë së Bardhë filluan të qarkullonin.
E megjithatë zhurma që gjeneroi po ashtu meme, e postime satirike, u shua kur kreu i Shtëpisë së Bardhë u shfaq shëndoshë e mirë në klubin e tij të golfit. Por çfarë i ndezi zërat për një spekulim të tillë…?
Mungesa e Trump në eventet e fundit publike dhe disa probleme shëndetësore për të cilat është përfolur së fundmi duket se ndikuan për të ushqyer thashethemet.
Zërat u shtuan edhe më shumë pasi zëvendës presidenti J D Vance u duk se aludoi mbi një pasim të mundshëm në një intervistë për USA Today. Vance tha se eksperienca e tij përgjatë 200 ditëve të fundit e kishte përgatitur për rolin presidencial, në rastin e një ndodhie tragjike.
Por gjithashtu edhe seriali i famshëm i Simpson duket se ka një rol në të gjithë trendin e keqinformimit. Seria ku parashikohet vdekja e Trump ka fituar popullaritet. Në vitin 2000 Simpsonat bënë parashikimin e bujshëm për zgjedhjen e Trumpit president, e më vonë në 2015 edhe për rizgjedhjen e tij.