Kryeministri Edi Rama ka publikuar fotoalbumin e Samitit të Komunitetit Politik Europian në Kopenhagen të Danimarkës, ku ishin të pranishëm liderët evropianë.
Rama shoqërohej në këtë vizitë edhe nga ministrja e Punëve të Jashme Elisa Spiropali.
Kryeministri shkruan se është “krenar për Shqipërinë”, teksa në fotot e publikuara shfaqet duke biseduar me liderë të ndryshëm të Evropës, të tillë si Presidenti francez Macron, Ursula von der Leyen, Kryeministrja italiane Giorgia Meloni, Kryeministri grek Kyriakos Mitsotakis, Kancelari gjerman Merz, Presidenti i Ukrainës Zelensky, Kryeministri spanjoll Pedro Sanchez, etj.