Ish-notar, balerin, aktor dhe gjithashtu “burri më i pashëm në Itali” në konkursin e 2019-ës, Edoardo Santini takoi disa të rinj, shkuan në kishë dhe ai zbuloi thirrjen e tij. “Kisha pyetje që nuk i kisha bërë për veten time dhe tani po i gjej përgjigjet,” deklaron ai sot.
Tani, nëpërmjet dëshirës për një lidhje më të thellë shpirtërore dhe përkushtim ndaj fesë, Santini mori vendimin e madh për të ndjekur rrugën e priftërisë. Frika e tij më e madhe, thotë ai, ishte se zgjedhja e tij nuk do të pranohej, por 21-vjeçari tashmë ka nisur rrugëtimin e tij për t’u bërë prift, duke lënë pas botën magjepsëse të modës.
“A do të bëhem prift? Nuk e di, jam këtu për ta zbuluar. E hodha këtë hap që më trembi, që më ndaloi të jem vetvetja ime e plotë. Ajo që jam i sigurt është se nuk do të pendohem për këtë rrugëtim, sepse tani mund të bërtas: Unë jam Eduardo, jam 21 vjeç dhe jam i lumtur”.
Në një video të postuar në rrjetet sociale duke njoftuar vendimin e tij, Santini thotë:
“Në moshën njëzet e një vjeç, babai im bëri vendimi për t’u martuar me nënën time sepse ajo mbeti shtatzënë. Nëna ime u bë nënë në moshën 21-vjeçare, ndërsa unë jam në rrugë të drejtë për t’u bërë prift, dashtë Zoti. Vitet e fundit pata mundësinë të njoh disa persona të rinj të cilët më treguan se çfarë do të thotë kisha, më dhanë forcë për të eksploruar këtë pyetje që më bezdiste që në rini, por frika të ndryshme më penguan ta eksploroja në thellësi.”
Ai më pas tha si vijon: «Vitin e kaluar, për të hedhur hapin e parë shkova të jetoja me dy priftërinj dhe ishte më e mira përvojë e jetës sime. Një eksperiencë që më mundësoi të takohesha me vëllezër dhe në jetën e përditshme, këtë përgjigje që prisja të vinte nga lart. Në fund të vitit, i kërkova peshkopit të hyja në vitin para seminarit. Tani studioj teologji dhe shërbej në dy famulli në Dioqezën e Firences”.
Edoardo Santini më pas sqaroi se ky vendim i veçantë nuk ishte i lehtë: “Nuk ishte një vendim i lehtë, veçanërisht nga frika e krizës me të tjerët. Por më duhet të them se kam ndërtuar më shumë mure për veten time sesa kam pasur në të vërtetë. Ka nga ata që flasin pas shpine dhe nga ata që nuk e kanë problem të më thonë se jam një zhgënjim edhe për familjen time, por ka edhe nga ata që më mbështesin. Besimtarë dhe jobesimtarë”./Liberale.al
