Policia e Shtetit ka identifikuar një ‘grup zjarri’, i cili është infiltruar dhe devijon protestën në paligjshmëri, kryesisht duke bllokuar akset rrugore në Tiranë, por edhe provokuar përplasje. Grupi prej 17 personash ka nxitur me thirrje pjesëmarrësit që t’a vijojnë tubimin përtej orarit të njoftuar në polici nga organizatorët prej orës 18:00 deri 22:00, duke mos respektuar perimetrin e njoftuar për tubimin, duke bllokuar rrugët dhe duke u thirrur qytetarëve të ngrihen nga kafenetë.
Nga ky grup janë identifkuar Xhesion Petoku, Durim Bami, Besard Kaimi, Shkelzen Bushi, Ilir Muzhaqi, Enea Gjondedaj, Endri Zela dhe Visar Dalipi. Grupi është skeduar për lidhje dhe kontakte me përfaqësues të Partisë Demokratike, kreu i të cilës ka infiltruar tashmë njerëzit e tij në protestë, duke vijuar tentativat për të ndryshuar sloganin ‘Rama n’burg, Berisha n’burg’. Edhe pse nuk guxon të shfaqet në protestë, Sali Berisha tashmë flet si pronar i protestës, artikulon kërkesa dhe jep ultimatume në emrin e saj.
Në 21 qershor është thirrur një tjetër protestë e madhe, ku do të kërkohet dorëheqja e kryeministrit Edi Rama, por edhe e kryetarit të PD-së Sali Berisha. Bazuar në informacione të mbledhura në rrugë operative, Sali Berisha, përmes njerëzve të tij, ka planifikuar devijimin e protestës së 21 qershorit drejt Surrelit, me qëllim rrethimin e shtëpisë së kryeministrit Edi Rama.
Ndërkaq, policia ka proceduar një grup tjetër për bllokim rrugësh dhe devijim të protestës. Ata janë Luciana Kokaj, Alben Kola, Arilda Lleshi, Edviol Kullurit, Albion Nikolli, Visuar Dalipi, Endri Zela, Xhesion Petoku, Igli Rrushi, Juxhin Shima, Arbër Hyseni, Xhuliano Buga, Shkëlzen Bushi, Erik Qamili, Tom Hasani, Sara Muja, Emigreta Krasniqi, Dita Krasniqi, Arbër Lleshi, Leonard Duraj, Romeo Stafa, Emir Lecini dhe Besard Kaimi.
