Kryesia e Partisë Demokratike ka marrë një sërë vendimesh sa i përket riorganizimit të saj sot, 16 mars. Në mbledhjen e zhvilluar në selinë blu u vendos që më 23 maj të zgjidhet kryetari i partisë.
Dy javë më vonë, më konkretisht më 6 qershor, është vendosur që të mblidhet Kuvendi Kombëtar.
Kryesia ka vendosur si afat përfundimtar 30 prillin për zgjedhjen e kryesive të degëve të partisë.
Kujtojmë se deri më tani kryetari i partisë, Sali Berisha, e ka bërë publike që vetë do të jetë një nga kandidatët që do të garojë përsëri për postin e drejtuesit.
Gjatë fjalës së tij sot, ai u ndal më së shumti te akuzat mbi kryeministrin Edi Rama në lidhje me vendimin për Belinda Ballukun.
Njëkohësisht demokratët do të ngrenë një grup punë, i cili do të shërbejë për të miratuar disa ndryshime statutore.