Qeveria italiane ka ndërmarrë një vendim me ndikim të gjerë social, duke hequr taksën rrugore për rreth 14.5 milionë automjete dhe motoçikleta në të gjithë territorin e vendit. Masa e re lehtësuese pritet të prekë një pjesë të madhe të qytetarëve, duke përfshirë të gjitha motoçikletat si dhe më shumë se 70% të makinave të kategorisë së vogël dhe të mesme.
Sipas rregullave të përcaktuara, çdo pronar do të ketë të drejtë ta përfitojë këtë përjashtim nga taksa vetëm për një automjet personal. Ky hap i ekzekutivit vjen në një moment të ngarkuar politik, përpara zgjedhjeve të përgjithshme kombëtare të vitit të ardhshëm, ku koalicioni i së djathtës i udhëhequr nga kryeministrja Giorgia Meloni do të përballet me opozitën e qendrës së majtë.
Ndonëse masa u mirëprit nga drejtuesit e mjetit, kabineti qeveritar ende nuk ka bërë të ditur faturën financiare apo ndikimin konkret që do të ketë kjo zbritje taksash në buxhetin e shtetit.