Pak pas hyrjes në fuqi të tarifës prej 10% të vendosur nga SHBA për importet nga Kina, kundërpërgjigja e Pekinit ndaj vendimit të Donald Trump ka qenë e menjëhershme.
Kina njoftoi kundër-tarifa kundrejt SHBA-së për produkte të shumta, ndërsa njoftoi gjithashtu edhe masa të tjera të lidhura me tregtinë, duke përfshirë gjithashtu edhe një hetim ndaj Google. për shkelje të supozuara të monopolit.
Qeveria tha se do të zbatojë tarifën 15% për produktet e qymyrit dhe gazit natyror të lëngshëm, si dhe një tarifë 10% për naftën bruto, makineritë bujqësore, makinat me zhvendosje të madhe.
“Rritja e njëanshme e tarifave të SHBA-së shkel seriozisht rregullat e Organizatës Botërore të Tregtisë. Nuk është vetëm e padobishme në zgjidhjen e problemeve të veta, por edhe dëmton bashkëpunimin normal ekonomik dhe tregtar midis Kinës dhe SHBA-së”, thuhet në deklaratën e bërë nga Ministria e Tregëtisë së Kinës.
Ndërkaq, kujtojmë se tarifat e propozuara të presidentit amerikan Donald Trump prej 25% ndaj Kanadasë dhe Meksikës u ndërprenë të hënën (3 shkurt), më pak se 24 orë përpara se ato të hynin në fuqi.
Pauza – e cila është planifikuar të zgjasë për 30 ditë – erdhi pas telefonatave të shumta midis Trump dhe Justin Trudeau të Kanadasë dhe Claudia Sheinbaum nga Meksika.
Si Meksika ashtu edhe Kanadaja kanë rënë dakord të rrisin sigurinë kufitare për të frenuar fluksin e imigracionit të paligjshëm dhe drogës – prioritete për Shtëpinë e Bardhë të Trump
Kanadaja do të emërojë një “car fentanyl” dhe Meksika do të dërgojë 10,000 trupa në kufi si pjesë e marrëveshjes me Trump.