Presidenti i SHBA-së, Donald Trump, ka deklaruar se konflikti me Iranin është në fazat përfundimtare dhe se Shtetet e Bashkuara do të dalin fituese.
Në një intervistë për Fox News, dhënë një ditë pas sulmit të ndërmarrë nga Uashingtoni, Trump u shpreh i bindur për rezultatin e situatës.
“Lufta me Iranin do të përfundojë shumë shpejt dhe ne do të dalim qartësisht fitimtarë”, tha ai.
Deklarata e presidentit vjen në një moment tensioni të lartë mes dy vendeve, ndërsa zhvillimet në terren dhe reagimet ndërkombëtare mbeten në fokus të vëmendjes.
Trump deklaroi gjithashtu se Kina po i jep njëfarë ndihme Iranit në konfliktin aktual, por sipas tij, kjo mbështetje është e kufizuar. Duke iu referuar rolit të Pekinit në krizë, Trump u shpreh se “mund të bëjnë shumë më tepër”. Por, ai shtoi se nuk është “shumë i zhgënjyer” nga Pekini.
“Ata mund të bëjnë më shumë. Nuk jam i zhgënjyer në mënyrë të tepruar. Edhe ne ndihmojmë të tjerët”, u shpreh Trump, duke sjellë si shembull mbështetjen amerikane për Ukrainën.
