Një ngjarje e rëndë është shënuar mesditën e së dielës në Maliq, ku një banesë është përfshirë nga flakët, brenda së cilës ndodheshin nëna me dy fëmijët e saj të mitur.
40-vjeçarja Merjeme Azisllari dhe djali 14-vjeçar Luka Azisllari ndërruan jetë nga asfiksia.
Në gjendje të rënduar vajza e mitur 6-vjeçe po niset drejt Tiranës në repartin e djegieve në QSUT.
Mjeket thonë se gjendja e saj vijon të jetë e rëndë. Krahas asfiksisë që pësoi nga tymi ka dhe shumë djegie.
Dyshohet se shkak për zjarrin të jetë bërë soba me dru.