AlbTimes
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
AlbTimes
Home Politikë

Debate në KQZ për identifikimin elektronik, PD kundërshton përdorimin e pajisjeve PEI në zgjedhjet e 9 majit 2027

by Alb Times
20/11/2026
in Politikë
6
0
Debate në KQZ për identifikimin elektronik, PD kundërshton përdorimin e pajisjeve PEI në zgjedhjet e 9 majit 2027

Foto: Politika

6
SHARES
301
VIEWS
Share on FacebookShare on Twitter

Komisioni Rregullator pranë Komisionit Qendror të Zgjedhjeve (KQZ) ka vendosur të shtyjë shqyrtimin e projektvendimit “Për përdorimin e pajisjes elektronike të identifikimit të zgjedhësve, në zgjedhjet për organet e qeverisjes vendore të datës 9 maj 2027”.

Pas diskutimeve paraprake dhe konsultimeve mes anëtarëve në mbledhjen e zhvilluar më 20 nëntor 2026, u vlerësua që shqyrtimi i këtij akti të mos vijojë në këtë seancë, duke ia lënë administratës së KQZ-së caktimin e një date të re për rifillimin e procesit.

Propozimi i administratës dhe baza ligjore

Gjatë prezantimit të projektaktit, përfaqësuesi i administratës së KQZ-së, shpjegoi se nisma — e sjellë si propozim i Komisionerit dhe Nënkomisioneres — synon përcaktimin e mënyrës së realizimit të identifikimit elektronik të zgjedhësve në të gjitha qendrat e votimit më 9 maj 2027, në mbështetje të neneve 14 (pika 2), 20 (pika 1, shkronja “e”) dhe 22.4 të Kodit Zgjedhor.

Sipas administratës, përdorimi i pajisjeve elektronike të identifikimit (PEI) “synon të garantojë një proces identifikimi të qartë, të saktë, të sigurt dhe transparent, duke kontribuar në rritjen e standardeve të administrimit të zgjedhjeve dhe në forcimin e besueshmërisë së procesit zgjedhor”, ndërsa ligji parashikon që pajisjet e TI-së të jenë të aplikueshme për të paktën pesë procese zgjedhore të njëpasnjëshme.

Po ashtu, administrata vuri në dukje se verifikimi paszgjedhor ka ndihmuar në identifikimin e rasteve të votimit të dyfishtë, të cilat janë kallëzuar në prokurori.

Vërejtjet formale dhe kërkesa për analizë të thelluar

Gjatë diskutimeve në parim, anëtarja e Komisionit Rregullator, znj. Vukaj, evidentoi disa mangësi procedurale dhe dokumentare të projektaktit. Ajo vuri në dukje se akti ka “një handikap formal: nuk shohim as firmën e Komisionit, as firmën e Komisionerit dhe as firmën e Nënkomisioneres, gjë që cënon sigurinë e aktit pikë së pari”.

Vukaj kërkoi një matricë të akteve paraprake dhe një vlerësim të qartë mbi efektet, sigurinë dhe efikasitetin e pajisjeve PEI në zgjedhjet e shkuara, duke nënvizuar nevojën për të dëgjuar edhe përfaqësuesit politikë përpara vendimmarrjes.

Në të njëjtën linjë, anëtari Ilirjan Ristani propozoi konsultimin e drejtpërdrejtë me Nënkomisioneren Shtetërore të Zgjedhjeve — si autoriteti përgjegjës sipas Kodit Zgjedhor për teknologjinë e informacionit — për të sqaruar pozicionin dhe mbikëqyrjen e saj mbi këtë relacion.

Qëndrimi i PD kundër përdorimit të pajisjeve PEI

Përfaqësuesi i Partisë Demokratike, Marash Logu, deklaroi se opozita është kundër miratimit të këtij projektvendimi, duke argumentuar se teknologjia zgjedhore ka shfaqur probleme të vazhdueshme në tre palë zgjedhje dhe nuk gëzon besim publik.

Logu citoi raporte zyrtare të vetë KQZ-së ku një shtetas kishte votuar me karta identiteti të ndryshme duke përdorur të njëjtën shenjë gishti (“potencialisht duke votuar në emër të 27 personave të ndryshëm”), si dhe raste të votimit në dy qendra të ndryshme.

Ai përmendi defektet, ndërprerjet e sinjalit dhe kalimin në votim manual (si në zgjedhjet e vitit 2023 në 581 qendra votimi ose rreth 12% e totalit), mungesën e auditimit të pavarur të softuerit të evidentuar nga OSBE/ODIHR, si dhe gjetjet e Kontrollit të Lartë të Shtetit (KLSH) mbi memorien e pajisjeve që nuk ruajnë regjistrat (log-et) e sistemit operativ.

Sipas PD-së, shpenzimet për pajisjet, mirëmbajtjen, operatorët dhe trajnimet kanë një raport kosto-përfitim jo në favor të procesit.

“Për sa më sipër, meqenëse teknologjia zgjedhore nuk gëzon besim të gjerë publik dhe ka shfaqur problematika në vazhdimësi, Partia Demokratike e Shqipërisë është kundër përdorimit të pajisjeve të identifikimit elektronik të zgjedhësve në zgjedhjet lokale të 9 majit 2027 dhe i kërkon këtij komisioni të mos e miratojë projektvendimin”, u shpreh Logu.

Shtyrja e vendimmarrjes

Pas debateve mbi dallimin mes miratimit në parim të teknologjisë dhe përcaktimit të parametrave teknikë në një fazë të dytë, si dhe pyetjeve mbi mekanizmat alternativë në rast të heqjes dorë nga elektronika, anëtarët e Komisionit Rregullator ranë dakord për shtyrjen e shqyrtimit. Vendimi synon t’u japë kohë anëtarëve dhe palëve politike për konsultime të mëtejshme përpara se të merret vendimi përfundimtar.

Tags: kryesoreKryesoretPolitikë
SendShare2Tweet2

Lajmet e fundit

Braho sulmon Berishën: Krimineli më i madh që ka parë historia, PD prodhon molotovë

20/11/2026

Mediat: SPAK regjistron procedim penal për familjarët e Spiropalit

20/11/2026

PS ndez motorët për zgjedhjet vendore, Leka: Demo dhe Koçiu tregojnë se gara në Tiranë merret seriozisht

20/11/2026

Alarm për bombë në avionin Manchester–Rinas, kontrollohen pasagjerët dhe bagazhet

20/11/2026

Populli i Gretës dhe populli ynë

20/11/2026

Vance në mbrojtje të Trump: Irani do ta përdorte armën bërthamore për sulm

20/11/2026

Aldo Gjini i “Rrajave” transferohet në 41 bis, pas 3 muajsh nën mbikëqyrje në burgun e Drenovës

20/11/2026

Përfundon vizita e Jakup Krasniqit në Kosovë, largohet nga banesa nën shoqërimin e EULEX-it

20/11/2026

Aksident i rëndë në Porto Romano, motomjeti përplaset me kazanët e mbeturinave dhe bordurën, drejtuesi në gjendje të rëndë

20/11/2026

Operohet Erioni, të shkuara Elisës!

20/11/2026

Edhe pas dy muajsh mbetet mister fati i inxhinierit shqiptar Erkan Nika

20/11/2026

Pas incidentit me raketat dhe dronin rus në Poloni, kreu i NATO-s viziton Varshavën të shtunën

20/11/2026

Ligji i ri, dilema të vjetra. Ping-pongu me Specialen, Kosova me nismë të re

20/11/2026

Debate në KQZ për identifikimin elektronik, PD kundërshton përdorimin e pajisjeve PEI në zgjedhjet e 9 majit 2027

20/11/2026

Tri pyetje për Blendi Gonxhen!

20/11/2026
Facebook Twitter Instagram LinkedIn
AlbTimes

Të fundit

  • Braho sulmon Berishën: Krimineli më i madh që ka parë historia, PD prodhon molotovë
  • Mediat: SPAK regjistron procedim penal për familjarët e Spiropalit

Shfletoni

  • Botë
  • Dossier
  • Editorial
  • Jetë
  • Kosovë
  • Kronikë
  • Kryesore
  • Kuriozitete
  • Opinion
  • Politikë
  • Sociale

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
WP2Social Auto Publish Powered By : XYZScripts.com
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
SAVED POSTS

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.