Kryedemokrati Sali Berisha, në një deklaratë për mediat, ironizoi listat e kandidatëve për deputetë të Partisë Socialiste.
Lista e mbyllur e Ramës është lista e skapistëve, e atyre që hyjnë dhe dalin në Skap dhe shkojnë me paturpësinë më të madhe t’u kërkojnë votën qytetarëve për t’u mbrojtur nga drejtësia. Pse vetëm Anila Denaj do të shpëlajë këtë qeveri të korruptuar? Ajo është mëkatare, por Mirela është jo më pak. Pra, lista e mbyllur është lista e mafias e Edi Ramës.
Shkojmë te lista e hapur, hajdutë dhe patronazhistë, Ceno Klos të dytë nuk bën, por të krahasosh Klosin me Petro Koçin, të del Petro qelibar. Pra, lista tjetër është patronazhistë, për të tjerët kërkoni në google për të gjetur çfarë janë. 0 respekt për qytetarët shqiptarë. Le të flasë sa të dojë, por Rama me asgjë nuk mund të mbulojë problematikat e tmerrshme të shëndetësisë, ato do të mbulohen në 11 Maj, dita kur qytetarët do të ndëshkojnë me votën e tyre Edi Ramën.
Nga ana tjetër, Berisha foli me krenari për listat e kandidatëve të Partisë Demokratike.
“Shqiptarët, panë një garë mahnitëse. Kandidatët e tyre nuk erdhën nga bodrumet e shtëpive mafioze. Nuk erdhën nga Dubai, Aruba apo qendra të tjera të rrezikshme të mafies shqiptare, por erdhën nga vota nga konsulta demokratike e anëtarëve të PD”.