Banka Botërore, njësoj si Banka e Shqipërisë, parashikon një ngadalësim të rritjes ekonomike për vendin tonë për shkak të tensioneve gjeopolitike.
Sipas Bankës Botërore, çmimet e larta të energjisë dhe ndërprerjet e tregtisë nga situata në Lindjen e Mesme po ndikojnë negativisht fuqinë blerëse.
“Pasiguria globale dhe tensionet gjeopolitike po frenojnë rritjen ekonomike dhe rritja e çmimeve po ndikon drejtpërdrejt në buxhetet e familjeve. Ekonomia e Shqipërisë vjon të tregojë qëndrueshmëri, por ruajtja e këtij momenti kërkon reforma të guximshme strukturore. Rruga përpara është e qartë, përshpejtimi i reformave drejt anëtarësiit në BE më shumë investime në kapitalin njerëzor dhe infrastrukturën digjitale. Mobilizimi i kapitalit privat do të nxisë investimet, krijojë vende pune dhe do të përshpejtojë konvergjencën me BE”, tha Massimiliano Paoluçi, menaxher, zyra e grupit të BB për Shqipërinë.
Në raportin për ecurinë ekonomike, Banka Botërore thekson edhe faktin se vendet e Ballkanit Perëndimor kanë kapital njerëzor të pashfrytëzuar mjaftueshëm, duke përfshirë gra, të rinj dhe individë të tjerë që duan të punojnë, por përballen me pengesa për të hyrë në tregun e punës.
“Ndërkohë që politikbërësit po përdorin masa fiskale afatshkurtra për të zbutur ndikimin e krizës mbi familjet dhe bizneset, raporti ynë tregon se çelësi për përparimin ekonomik afagjatë janë vendet e punës.Ballkani Perëndimor ka një rezervë të madhe talenti ende të pashfrytëzuar, gra, të ruinjdhe individë që dëshirojnë të punojnë, por përballen me pengesa. Përfshirja e tyre në tregun e punës është një nga masat më efektive që mund të ndërmerren për të forcuar ekonominë”, shtoi Paoluçi
Integrimi i të gjitha grupeve në tregun e punës, shton Banka Botërore, merr veçanërisht vlerë në kushtet kur parashikimet për dekadën e ardhshme janë që të paktën një në pesë persona në rajon do të jetë mbi moshën 65 vjeç, ndërsa të diplomuarit po emigrojnë. Për t’i dhënë zgjidhje situatës, Banka Botërore sugjeron të gjenden alternativa tërheqësie përmes politikave të taksave për të bërë pjesë të tregut të gjithë fuqinë punëtore.
