Vullkani Kliuçevskoi, i cili ndodhet në gadishullin Kamçatka në Lindjen e Largët të Rusisë, ka nisur të shpërthejë pas tërmetit të fuqishëm që goditi Oqeanin Paqësor, raportoi agjencia shtetërore ruse e lajmeve RIA, duke cituar burime të Reuters.
Sipas informacioneve paraprake, llava e nxehtë ka filluar të rrjedhë në shpatin perëndimor të vullkanit, ndërsa një ndriçim i fuqishëm është i dukshëm mbi majën e tij, shoqëruar me shpërthime të dëgjueshme.
Javën e kaluar, autoritetet dhe ekipet e shpëtimit kishin rekomanduar shmangien e vizitave në këtë vullkan, si dhe në disa të tjerë në rajon, për shkak të rritjes së aktivitetit vullkanik.
Vullkani Kliuçevskoi, me një lartësi prej 4,850 metrash mbi nivelin e detit, ndodhet në rajonin Ust-Kamçatskij. Ai kishte shpërthyer për herë të fundit në prill të vitit 2025.
Following an earthquake in Kamchatka, the Klyuchevskaya Sopka volcano began erupting
Klyuchevskaya Sopka is the tallest and one of the most active volcanoes in Eurasia (4,750 m), located in Kamchatka. pic.twitter.com/hwGSwrdPpD
— Visegrád 24 (@visegrad24) July 30, 2025
