Policia e Tiranës ka vënë në pranga një 39-vjeçar, pas një operacioni të koduar “Bulevardi”, të zhvilluar nga Forca e Posaçme “Shqiponja” në bashkëpunim me Komisariatin Nr. 1.
Arrestimi u krye në bulevardin “Bajram Curri”, ku u ndalua automjeti tip “Benz” me drejtues shtetasin I. G., banues në Tiranë.
Gjatë kontrollit të automjetit, shërbimet e policisë gjetën një armë zjarri pistoletë me krehër dhe fishekë, të cilën 39-vjeçari e mbante pa leje. Arma u sekuestrua në cilësinë e provës materiale.
Pas veprimeve procedurale, I. G. u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet i janë referuar Prokurorisë së Tiranës për veprime të mëtejshme. Operacioni “Bulevardi” është pjesë e aksioneve të vazhdueshme kundër armëmbajtjes pa leje në kryeqytet.
Njoftimi i Policisë së Shtetit
Lëvizte në bulevardin “Bajram Curri”, me pistoletë në automjet, arrestohet nga shërbimet e Forcës së Posaçme “Shqiponja”, 39-vjeçari.
Sekuestrohet arma e zjarrit me krehër dhe fishekë.
Në vijim të operacioneve policore, kundër armëmbajtjes pa leje, të zhvilluara si rezultat i punës së mirorganizuar operacionale dhe informative, shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Nr. 1, finalizuan operacionin “Bulevardi”.
Në bazë të informacioneve të siguruara, në bulevardin “Bajram Curri”, u ndalua automjeti tip “Benz” me drejtues shtetasin I. G., 39 vjeç, banues në Tiranë.
Gjatë kontrollit, u gjet në automjet, 1 armë zjarri pistoletë me municion, të cilët 39-vjeçari e posedonte pa leje.
Në vijim të veprimeve procedurale për rastin, shtetasi I. G. u arrestua në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale iu referuan Prokurorisë së Tiranës, për veprime të mëtejshme.