Hetimet e FSB-së ruse shfajësojnë presidentin Vuçiç nga akuzat se ka përdorur armatime akustike kundër protestueseve me 15 mars. Vuçiç citoi raportin e FSB që sipas tij është publikuar në faqen e BIA-s në serbisht dhe rusisht.
“Më 15 mars në mbrëmje u tentua që më në fund të bëhej një revolucion me ngjyra në vendin tonë, u përgatit kjo gënjeshtër për përdorimin e topit zanor”, tha presidenti.
“Kriminalizimi, de-humanizimi është zbatuar, kur përfaqësuesi i lartë gjerman për politikë të jashtme dhe përgjegjës për bisedimet tona me shqiptarët thotë se përdorimi i topave akustike është pengesë në rrugën evropiane të Serbisë”, ishin fjalët e Vuçiç.
Presidenti serb shfrytëzoi konferencën edhe për ti uruar suksese kryeministrit Gjuro Macut, qeveria e së cilit mori aprovimin e kuvendit.
Ai foli gjithashtu për presionin që po ushtrohet ndaj tij nga perëndimi për vizitën e planifikuar në Moskë më 9 maj me rastin e ditës së fitores.
“Më duket sikur qielli po më bie në kokë nga presioni”, u ankua lideri serb.