Një video skandaloze është publikuar sot në media, ku analisti Ilir Demalia sulmon fizikisht ish-deputetin dhe kreun e Konservatorëve, Kujtim Gjuzi.
Skena ka ndodhur në hollin e një hoteli në Tiranë dhe duket se si Demaliaj tenton të qëllojë me grusht Gjuzin.
Ky i fundit ka reaguar mbi incidentin duke dhënë detaje.
“Isha me kryetaren e degës së Tropojës, Sanije Hajdarmataj, po diskutonim në tavolinën tonë. Hyn Demaliaj në holl dhe filloi me fyerje dhe sharje, me fjalë burrash që nuk thuhen në sy të një gruaje.
Filloi të më fyejë, i thashë se unë jam në kafe me njerëz… më sulmoi, por u tërhoqa sepse nuk doja të merrja goditje. Doli dhe kryetarja përpara, ai nuk ndaloi, më pas ika në holl, ndërhynë badigardët e Hotel Tirana dhe çdo gjë u shua. Ishte tentativë për të grushtuar dhe sulmuar, por unë ruajta qetësinë”, tha Gjuzi për mediat.