“Kisha një përçarje të thellë me gruan time”, pranoi Obama në një bisedë me presidentin e Kolegjit Hamilton, Stephen Tepper.
“Kështu që unë përpiqem të dal nga kjo situatë duke bërë herë pas here gjëra argëtuese”, shtoi ish-presidenti amerikan. Ai la të kuptohet se dy mandatet e tij në Shtëpinë e Bardhë ndikuan në marrëdhënien e tij me Michelle.
“Më lejoni të them këtë: Padyshim që më ndihmoi që duke u larguar nga Shtëpia e Bardhë të kem pak më shumë kohë për të kaluar me të”, tha ai në një intervistë në CBS Mornings në vitin 2023.
Michelle ka folur më parë për problemet në martesën e saj, duke thënë se gjatë viteve që Barack ishte përfshirë në politikë ajo ishte e fokusuar në rritjen e vajzave të tyre, Sasha dhe Malia.
Në një intervistë të vitit 2022 për Revolt TV, ish-zonja e parë zbuloi se “kishte 10 vite kur nuk mund ta duroja burrin tim”.
Familja Obama, të cilët tani jetojnë në Uashington, pushtuan mediat teksa u përhapën thashethemet se ata ishin në prag të divorcit. Thashethemet u ndezën më tej kur Michelle nuk e shoqëroi burrin e saj si në funeralin e Presidentit Jimmy Carter, ashtu edhe në inaugurimin e Donald Trump.
Çifti u përpoq ta minimizonte këtë fakt duke postuar foto së bashku në ditën e të dashuruarve të shoqëruara me mesazhe të buta. Michelle dhe Barack u takuan në fund të viteve 1980 në studion ligjore ku të dy punonin dhe u martuan në vitin 1992.
Në kujtimet e tij të vitit 2020, ish-presidenti shkroi se ai ishte i dashuruar pothuajse që në momentin që e pa.