Avokati i kryebashkiakut të Tiranës, Erion Veliaj, Maks Haxhia tha se prokurori Olsi Dado është në konflikt interesi dhe duhet të japë dorëheqjen.
Haxhia u shpreh se kur provat evidentojnë konfliktin e interesit pse duhet që prokurori Dado të merret me këtë çështje.
Maks Haxhia: Në lidhje me qëndrimin që ka mbajtur Veliaj me akuzën dhe përfaqësuesin e akuzës, Ols Dado sa i përket konfliktit të interesit: Në bazë të kodit të procedurës çdo prokuror apo gjyqtar që e ka të konstatuar konfliktin e interesit është i detyruar të japë dorëheqjen.
Do ishte shumë profesionale që prokurori ta bënte diçka të tillë. Nuk kuptoj përse duhet me patjetër të jetë ky prokuror në ketë çështje? Nëse janë të sigurt për provat që kanë, përse kërkon prokurori të rri me çdokush në çështje, kur evidentohet një konflikt interesi?