Përplasja e ndodhur mes tifozëve, para fillimit të derbit Partizani-Tirana, ka lënë të dëmtuar një punonjës policie.
Ky i fundit është goditur me sende të forta dhe ndodhet në spital, për ndihmë mjekësore.
Policia e Tiranës njofton se janë shoqëruar dy tifozë të Partizanit, për akte dhune.
“Gjatë hyrjes në stadiumin “Arena e Demave”, Tufinë, të tifozëve dhe sportdashësve për të ndjekur ndeshjen e futbollit Partizani-Tirana, është goditur me sende të forta një punonjës policie, i cili ndodhet në spital, për ndihmë mjekësore.
Shërbimet e Policisë kanë shoqëruar në ambientet e Komisariatit dy shtetas (tifozë të skuadrës së futbollit Partizani), për akte të dhunshme para dhe gjatë zhvillimit të ndeshjes.
Në vijim do të keni informacion me të dhëna më të plota në lidhje me rastin”, thuhet në njoftimin e policisë.