Një skenë absurde dhe e rrezikshme është parë ditët e fundit në Catania, ku një shofer transportonte një të ri të shtrirë në një divan të vendosur mbi makinën Fiat Panda të vjetër, duke qarkulluar në unazën e kryeqytetit Etna, e duke u kthyer në rrezik serioz për veten dhe të tjerët. Skena sigurisht që nuk mund të kalonte pa u vënë re dhe kështu videoja e një kalimtari tjetër kapi gjithçka, duke përfunduar në TikTok ku dukshëm u bë virale.
Sipas asaj që është rikonstruktuar nga policia dhe agjentët e komisariatit të Borgo Ognina, videoja është xhiruar në orët e para të pasdites së të premtes së kaluar, kur një 41-vjeçar së bashku me një shok të tij, kanë marrë një divan nga një i njohur që kërkonte ta hiqte qafe. Të dy e ngarkuan atë mbi makinën e vjetër të gruas së burrit për ta çuar në shtëpi. Në këtë moment, lindi ideja e çmendur e të riut për t’u ngjitur në çatinë e makinës, për t’u shtrirë në divan dhe për të lëvizur përgjatë unazës së qytetit.
Skena e të riut në divan në çatinë e makinës është përjetësuar në një video të realizuar me celular nga pasagjeri i një makine tjetër që kalonte dhe më pas është publikuar të shtunën në rrjetin e njohur video social. Videoja shumë shpejt u bë virale, mes komenteve shqetësuese të përdoruesve, si dhe ra në vëmendjen e policisë.
Pas një hetimi të shkurtër, efektivët identifikuan menjëherë pronarin e makinës, falë targës dhe zbuluan se në timon ishte i shoqi. Burri pranoi se e kishte vendosur divanin në çati, por u justifikua para oficerëve duke thënë se nuk e kishte vënë re që i riu ishte ngjitur në të , një rrethanë e cilësuar padyshim e pamundur nga policia.
Por ai ka marrë një gjobë prej disa qindra eurosh dhe heqjen e disa pikëve nga leja e drejtimit për shkelje të ndryshme të Kodit të Autostradës./Liberale.al
