Shokuese kanë qenë detajet e publikuara nga mediat greke për vrasjen e 23-vjeçares Faye Bakoiorgou. “Protothema.gr” ka nxjerrë në dritë zbulime të reja për veprimet e tre grave satanike të akuzuara për vrasjen e vajzës së re. Dëshmitë tregojnë veprimet e pronares famëkeqe Pagona, motrës së Faye, Katerina dhe mamasë së saj, Maria, të cilat akuzohen se kanë kërcënuar, rrahur, torturuar në mënyrë sistematike vajzën fatkeqe.
Të treja femrat u lanë në paraburgim, ndërsa tronditi ajo që rrëfeu motra e 23-vjeçares, duke pranuar se vrau motrën e saj. “E vendosa poshtë, e kapa në qafë. Ajo lëvizte krahët dhe këmbët për të marrë oksigjen dhe i thashë: “Tani do të vdesësh”. I shtrëngova qafën me gjithë forcën time derisa ajo ndaloi së vepruari çuditshëm. (…) Pastaj e vendosa në karrocë, sikur të ishte ulur, mora një batanije, e mbulova dhe hapa ngadalë derën. Ishte natë. Duart e saj, nuk ishin të ngurta, unë mund t’i lëvizja. E hodha nga karroca dhe u largova. E çova atje dhe nuk jam penduar. Dhe po të ishte gjallë do ta vrisja sërish”, dëshmoi Katerina.
Megjithatë, pavarësisht përshkrimit tronditës dhe pranimit të krimit, autoritetet nuk janë të bindura që motra e viktimës po thotë të vërtetën. Përkundrazi, ata besojnë se ajo e ka marrë përsipër vrasjen për të liruar dy të akuzuarat e tjera. Sipas burimeve të “protothema.gr”, ka shumë gjasa që amvisa 57-vjeçare, Pagona, të ketë manipuluar motrën e viktimës, me qëllim që kjo e fundit të marrë përgjegjësinë e plotë për krimin.
“Largohu nga unë”
Të rrënqethin dëshmitë e banorëve të pallatit që zbulon, të cilët përmes xhamit kanë parë dramën e përjetuar nga 23-vjeçarja. Më e ashpra nga të gjitha është dëshmia e një banori vendas, i cili përshkruan atë që ndodhi disa ditë para se Faye të gjendej e vdekur.
Sipas dëshmitarit, atë ditë pronarja po e rrihte ashpër 23-vjeçaren dhe i thoshte: “…ke shumë fëmijë, do një tjetër, duhet ta flakësh…”, ndërsa vajza i lutej “largohu nga unë”.
Njëkohësisht nga dëshmitë del qartë se 57-vjeçarja Pagona është ajo që ka rregulluar takimet romantike te Faye, ndërsa një boksier e shoqëronte atë. Në mënyrë të veçantë, sipas një qiramarrësi të pallatit, 57-vjeçarja shpesh i drejtohej 23-vjeçares me këto shprehje: “Ende je duke fjetur foshnjë .., zgjohu, dil jashtë…. Pakistani të do tani”.
Përveç kësaj, një tjetër dëshmitar tha se vajza e re “peshkote klientët në Fokionos për 5 euro”.
“Nuk e di si mund të ketë vdekur Faye”
Nga ana e saj, nëna e Faye argumentoi se mes dy motrave kishte urrejtje dhe rivalitet, i cili në fund u bë i pakontrollueshëm. Për vajzën e saj, ajo tha se pak para se të vdiste ishte në një gjendje të mjerueshme, duke shkuar në zonë, duke pasur lidhje të çuditshme me afganët, duke përdorur drogë dhe duke u kthyer në shtëpi e rrahur keq.
“Bëra ç’munda për ta ndihmuar, për të parë se ku po shkonte, çfarë po bënte. Faye u zhduk më 9 tetor 2021, e enjte. Po përgatisja fëmijët me Katerinën për të shëtitur. Fëmijët ishin 4. Një nga Katerina dhe tre nga Faye. Faye ishte në gjendje të furishme, e egër. Katerina i thoshte hajde me ne, nuk donte. Teksa ishim në dhomë dëgjojmë mbylljen e derës së shtëpisë, Katerina vrapon të arrijë Faye, ajo zbriti në këmbë nga kati i dytë por tashmë ishte larguar”, theksoi ajo.
E pyetur se si ndihet për vdekjen e Faye, ajo u përgjigj: “Më ka ikur gjysma e zemrës, gjysma e jetës sime, kam trishtim, inat, indinjatë, këto janë ndjenjat që kam deri tani. Por nuk e di si mund të ketë vdekur Faye”./Liberale.al
