Qeveria norvegjeze njoftoi të hënën, qëllimin e saj për të përfshirë disa platforma lojërash dhe rrjetesh sociale në ndalimin e propozuar për personat nën 16 vjeç.
Oslo, i cili pritet të paraqesë një projektligj mbi këtë çështje deri në fund të vitit, rishikoi kufirin e moshës së propozuar për të synuar tani “platformat e dëmshme”.
Siç thekson qeveria në njoftimin e saj, “të dëmshme” konsiderohen platformat ose rrjetet që me dizajnin, veçoritë ose përmbajtjen e tyre, rrezikojnë shëndetin emocional, njohës ose zhvillimor të fëmijëve ose sigurinë e tyre.
Në formën e tyre aktuale, TikTok, Snapchat dhe platforma e lojërave Roblox do të bien brenda fushëveprimit të ligjit, sqaroi ai.
“Aktualisht ka disa platforma që paraqiten si lojëra, por në realitet ato janë të mbushura me karakteristika të tilla si sistemet e rekomandimeve algoritmike dhe reklamat e paligjshme që synojnë fëmijët”, shpjegoi Ministrja për Fëmijët dhe Familjen.
“Kjo është arsyeja pse duam që ata të përfshihen”, shtoi ajo. Kufiri i moshës do të zbatohet deri më 1 janar të vitit kur fëmija mbush 16 vjeç.
Varet nga platformat e përfshira të zbatojnë sistemet e verifikimit të moshës. Meqenëse qeveria laburiste është në pakicë, projektligji ka nevojë për mbështetjen e partive të tjera politike që të miratohet.
Australia vitin e kaluar prezantoi legjislacionin që u ndalon personave nën 16 vjeç të hyjnë në një sërë platformash të mediave sociale, ndërsa Bashkimi Evropian planifikon të miratojë kufizime “fazore”, me nivele të bazuara në moshë.
The post Norvegjia ndalon aksesin në TikTok, Snapchat dhe Roblox për të miturit nën 16 vjeç appeared first on Euronews Albania.
Burimi: Botë
Burimi: Lajme ndërkombëtare