Tensionet kanë shoqëruar ditën e 89-të të protestës në Tiranë, ku një përplasje fizike është regjistruar mes disa prej pjesëmarrësve.
Në konflikt është përfshirë edhe anëtari i Partisë Demokratike, Sali Lushaj, babai i këngëtarit Arkimed Lushaj, i njohur si Stresi.
Sipas pamjeve nga protesta, Lushaj dhe disa anëtarë të tjerë të PD-së po fotografonin veten me simbolin e dy gishtave, të përdorur nga mbështetësit e kësaj force politike.
Veprimi ka tërhequr vëmendjen e disa protestuesve të tjerë, të cilët janë afruar për t’i larguar nga zona.
Situata është tensionuar dhe ka kaluar në përplasje fizike. Në pamje shihet momenti kur Sali Lushaj konfrontohet me Dritan Goxhajn, një prej nismëtarëve të protestës.
Përplasja ka shkaktuar tension mes protestuesve, ndërsa nuk raportohet për persona të lënduar nga incidenti.