Procesi i numërimit të votave në Kosovë po vazhdon me ritme të shpejta. Deri më tani janë numëruar 1,819 nga 2,498 qendra votimi, ose rreth 72.82% e totalit të votave.
Rezultatet e deritanishme tregojnë se Lëvizja Vetëvendosje vijon të kryesojë garën me 43.09% të votave, duke grumbulluar 207,253 vota.
Në vendin e dytë renditet Partia Demokratike e Kosovës (PDK) me 21.82% ose 104,943 vota, ndërsa Lidhja Demokratike e Kosovës (LDK) mban vendin e tretë me 17.98% të votave, që përkthehen në 86,456 vota.
Aleanca për Ardhmërinë e Kosovës (AAK) ka siguruar deri tani 7.63% të votave, ose 36,683 vota. Lista Serbe rezulton me 4.73%, duke marrë 22,770 vota, ndërsa Koalicioni Vakat ka grumbulluar 0.68% ose 3,255 vota.
Më më shumë se një të katërtën e qendrave të votimit ende pa u numëruar, rezultatet mbeten paraprake dhe mund të ndryshojnë deri në përfundimin e plotë të procesit.
