Kampi Ashraf 3 në Manzë kanë reaguar pas informacioneve të publikuara në disa media, mbi mundësinë e një sulmi me raketa nga Irani ndaj këtij kampi.
Në deklaratën e tyre thuhet se lajmet e shpërndara nga Irani dhe të pasqyruara në disa media shqiptare janë “propagandë e orkestruar nga regjimi iranian, me qëllim lufte psikologjike, për të krijuar shqetësim dhe kaos në Shqipëri, duke ndjekur objektivat e tij”.
“Lajmet e publikuara nga Irani për mundësinë e një sulmi me raketa ndaj Ashraf 3 dhe mbulimi i tyre në disa media shqiptare janë thjesht propagandë e orkestruar nga regjimi iranian. Kjo po bëhet për qëllime lufte psikologjike, me qëllim krijimin e shqetësimit dhe kaosit në Shqipëri, me qëllim ndjekjen e qëllimeve të veta. Këto pretendime nuk kanë bazë dhe nuk bazohen në asnjë fakt”, thuhet në reagim.
Po ashtu, ata nënvizojnë se “raketat e regjimit iranian nuk kanë kapacitetin teknik për të arritur në Shqipëri”, duke e cilësuar të pamundur një sulm i tillë.
“Kjo luftë propagande po kryhet në koordinim të ngushtë midis regjimit iranian dhe agjentëve të tij lokalë në Shqipëri, pikërisht për të rritur rezonancën dhe përhapjen e saj sa më shumë të jetë e mundur. Është e qartë dhe e pamohueshme se raketat e regjimit iranian nuk kanë kapacitetin teknik për të arritur në Shqipëri”, theksohet në reagim.
